Misioni i NATO-s në Kosovë, KFOR ka thënë se çdo vendosje e Forcave të Sigurisë së Kosovës (FSK) në veri të Kosovës kërkon autorizim paraprak nga komandanti i KFOR-it. Por nuk ka dhënë detaje rreth se çfarë thuhet në letrën e Maqedoncit.
“ Ne mirëpresim respektin e vazhdueshëm të Kosovës për këtë përkushtim dhe sigurinë e fundit me shkrim, që pasqyron dialogun e rregullt të KFOR-it me përfaqësuesit e organizatave të sigurisë së Kosovës dhe të institucioneve në Kosovë, përfshirë z.Maqedonci. Komunikimi transparent dhe koordinimi në kohë janë çelësi për sigurinë e qëndrueshme në mbarë Kosovën dhe për stabilitetin rajonal. Për çështjen specifike që keni ngritur, siç mund ta kuptoni qartë, KFOR-i nuk është i lirë të zbulojë detaje të komunikimit zyrtar me homologët institucionalë. “, thuhet në përgjigjen e KFOR-it për RTV21.Të enjten ka thënë se ai nuk ka bërë rizotim, por thjesht po respektohet zotimi i bërë në vitin 2013.
