Kryesuesi i Delegacionit të Kuvendit të Kosovës në Asamblenë Parlamentare të NATO-s, Driton Hyseni, ka reaguar pas avancimit të statusit Kosovës nga anëtar vëzhgues në të anëtare të asociuar në këtë organizatë, ndërsa shprehet se ky është lajm i mirë për Kosovën, përcjell Kosova Post.
“Me vendim të Asamblesë Parlamentare të NATO-s, nga sot, 27 maj 2024, Kuvendi i Republikës së Kosovës ka statusin e anëtarit të asociuar në Asamblenë Parlamentare të NATO-s.”, tha ai
Tutje theksoi Hyseni se ky hap vjen pas disa viteve të bashkëpunimit të shkëlqyer mes Kuvendit të Kosovës dhe AP të NATO-s.
“Avancimi i statusit vjen pas disa viteve të bashkëpunimit të shkëlqyeshëm mes Kuvendit të Republikës së Kosovës dhe Asamblesë Parlamentare të NATO-s. Nga qershori i vitit 2014, ne përfaqësoheshim si delegacion vëzhgues”, tha deputeti i Vetëvendosjes.
Hyseni, gjithashtu vuri në pah përpjekjet e Serbisë për ndalimin e avancimit të Kosovës në NATO,
“Letrat e shumta e përpjekjet e vazhdueshme të delegacionit të Serbisë por edhe të akterëve tjerë politik në Beograd nuk ja dolën të ndalin Kosovën drejt avancimit të statusit”, u shpreh Hyseni.
