Kosova ka nisur për herë të parë prodhimin e plumbave 9-milimetërsh dhe disa kalibrave të tjerë.
Kështu ka bërë të ditur, Avni Vllahiu, në një intervistë me gazetarin Kushtrim Bekolli, në emisionin “Ora 7” në Klan Kosova.
“Jemi përgatitur intensivisht për tre vite për të prodhuar një plumb Made in Kosova. Kjo është një arritje e madhe dhe faza fillestare ka nisur mjaft mirë”, tha Vllahiu.
Sipas tij, kapaciteti i prodhimit varion nga 1 mijë e 500 deri në 3 mijë e 500 copë në orë.
Megjithatë, ai ka theksuar se plumbat testohen para se të dalin në treg dhe se ende nuk ka filluar shitja.
