Kryetari i Partisë Demokratike të Kosovës, Memli Krasniqi, është shprehur se rinia e kësaj partie është mobilizuar e vendosur dhe me plot energji për fitoren e partisë dhe të kandidatit të tyre për kryeministër, Bedri Hamza.
Krasniqi, shprehet se rinia e PDK-së ka qenë gjithmonë djepi i ëndrrave, ideve dhe guximit.
Postimi i plotë i Krasniqit:
Atmosferë madhështore në mesin e qindra vajzave e djemve të Rinisë Demokratike të Kosovës, të mobilizuar, të vendosur dhe plot energji për fitoren e madhe të PDK-së dhe kandidatit për kryeministër, Bedri Hamza, më 9 shkurt.
Rinia Demokratike e Kosovës ka qenë gjithmonë djepi i ëndrrave, ideve dhe guximit; është shpirti i vizionit tonë transformues dhe besimit se Kosova mundet ma mirë.
Të rinjtë e të rejat e Kosovës janë arkitektët e zhvillimit dhe bartësit e shpresës për të ardhmen që duam të gjithë. Andaj, me ta bashkë do ta bëjmë Kosovën që e duam për të gjithë!
