Nesër disa lagje në Prishtinë nuk do të kenë ujë për disa orë, për shkak të punimeve që po bëhen në ndërrimin e segmentit të linjës.
Kështu ka njoftuar “KRU” Prishtina ” SH.A”, ku me një deklaratë për media ka thënë se lagjet, Qershia, Swiss Village, Marigona 2 Veternik, Nic, Qëndresa, Zona Industriale Çagllavicë, do të mbesin pa furnizim me ujë nga ora 09:00 deri në 15:00.
Njoftim për ditën e nesërme
Prishtinë, 17 prill – Ju njoftojmë se gjatë ditës së nesërme 18 prill, duke filluar nga ora 09:00-15:00 pa furnizim me ujë të pijshëm do mbesin lagjet: Qershia,Swiss Village, Marigona 2 Veternik, Nic, Qëndresa, Zona Industriale Çagllavicë.
Arsyeja e ndërprerjes së furnizimit me ujë janë punimet teknike, respektivisht ndërrimi i segmentit të linjës AC DN 250 mm me linjë të re HDPE.
Realizimi i punimeve të tilla ndodh për një infrastrukturë ujore më funksionale dhe furnizim më të mirë me ujë të pijshëm.
Faleminderit për mirëkuptim!
Me nderime!
KRU” Prishtina ” SH.A.
17 prill 2023.
