Kryeministri i vendit, Albin Kurti, është deklaruar pasi kontingjenti i Forcës së Sigurisë së Kosovës për operacione humanitare është nisur për në Turqi.
Kurti tha se në emër të Qeverisë së Kosovës shpreh edhe njëherë ngushëllimet më të thella për popullin turk dhe familjarët e viktimave të tërmetit.
Kurti theksoi se vetëm tri ditë pas pritjes së ngrohtë nga presidenti turk, Rexhep Tayyip Erdogan, në mëngjesin e sotëm u tronditëm nga lajmi për tërmetin shkatërrues në Turqi.
Postimi i plotë:
Me vendim të Qeverisë, kontingjenti i Forcë së Sigurisë së Kosovës për operacione humanitare porsa u nis sonte për në Turqi, për të ju dalë në ndihmë institucioneve dhe popullit turk në rajonet e goditura nga tërmeti.
Në emër të Qeverisë së Republikës së Kosovës dhe popullit të saj, u shprehi edhe njëherë ngushëllimet më të thella popullit turk dhe familjarëve të viktimave të tërmetit e të lënduarve shërim sa më të shpejtë.
Vetëm tri ditë pas pritjes së ngrohtë nga Presidenti Erdoğan, në mëngjesin e sotëm u tronditëm nga lajmi për tërmetin shkatërruese në Turqi.
Solidarizohemi dhe i qëndrojmë pranë popullit dhe shtetit turk në këto kohë të vështira. Shpresojmë dhe urojmë që kjo tragjedi të kalojë me sa më pak viktima.