Premtimi i parë i Daut Haradinajt si kandidat për Prishtinë: 500 euro për çdo nënë që lind fëmijë, shkruan Kosova Post.
Daut Haradinaj i cili në zgjedhjet lokale që do të mbahen në vjeshtën e këtij viti do të jetë kandidat i AAK-së për kryetar të Prishtinës, ka nisur me premtimet e para.
Përmes një shkrimi në Facebook, ai ka thënë se do t’i ndihmojë me 500 euro nënat që lindin në komunën e Prishtinës.
Lajmin për kandidaturën e Daut Haradinajt e kishte bërë të ditur kryetari i AAK-së, Ramush Haradinaj.
“Me këtë Aleanca e konfirmon respektin për kryeqytetin, të cilin e bëri me ligj, ia ktheu Pallatin e Rinisë, e përkrahu me buxhet e projekte të shumta zhvillimore. Aleanca konfirmon po ashtu, respektin për qytetarin dhe qeverisjen komunale, si dhe vendosmërinë për të fituar.”, shkroi Haradinaj.