Kryetari i NISMA-s, Fatmir Limaj, kujton 26 vjetorin e rënies së Mujë Krasniqit, i njohur me nofkën Kapuçi.
Ndërsa kujton bashkëluftëtarin, Limaj shprehet se Mujë Krasniqi ka qenë ndër celulat e para të UÇK-së dhe një nga komandantët më të shquar.
Në këtë përvjetor si çdo ditë tjetër, kujtojmë me pietet të lartë jetën dhe veprën e komandant “Kapuçit”.
Por në këtë ditë Limaj kujton edhe 6 vjetorin e themelimit të Ushtrisë së Kosovës.
Postimi i plotë: i Limajt në Facebook:
“Sot bëhen 26 vite nga rënia heroike e komandantit të Brigadës 113 të Zonës Operative të Drenicës, Mujë Krasniqi – Kapuçi dhe 41 bashkëluftëtarëve të tij, në kufirin shqiptaro-shqiptar.
Mujë Krasniqi ishte një nga celulat e para të Ushtrisë Çlirimtare të Kosovës dhe një nga komandantët më të shquar të UÇK-së.
Në këtë përvjetor si çdo ditë tjetër, kujtojmë me pietet të lartë jetën dhe veprën e komandant “Kapuçit”.
Pikërisht në përvjetorin e rënies së Mujës, sot shënojmë edhe përvjetorin e formimit të Ushtrisë Kosovës.
Muja dhe të gjithë dëshmorët e Kombit janë më meritorët për lirinë të cilën sot e gëzojmë.
Lavdi jetës dhe veprës së Mujë Krasniqit dhe bashkëluftëtarëve të tij të rënë para 26 vitesh, Lavdi të gjithë dëshmorëve të Kombit!”
