Lufta e vazhdueshme në Gaza e ka rikthyer çështjen e Palestinës në axhendën e botës arabe, transmeton Kosova Post.
Wall Street Journal (WSJ), një nga gazetat më kryesore në SHBA, shkroi se qindra mijëra njerëz dolën në rrugë në shumë vende nga Jordania në Oman dhe nga Egjipti në Marok për të mbështetur Palestinën që nga fillimi i luftës.
Procesi i normalizimit të marrëdhënieve të Arabisë Saudite me Izraelin nën ndërmjetësimin e SHBA-së u pezullua për shkak të fillimit të luftës në Gaza .
Duke kujtuar protestat që shpërthyen në vitin 2010 dhe tronditën botën arabe, analisti politik jordanez Osama Sharif ndau vlerësimin e mëposhtëm:
Jemi në një fazë shumë të ndjeshme dhe mjaft të rrezikshme. Nuk e dimë se çfarë lloj reagimi do të hasim, veçanërisht kur liderët arabë po ndiejnë presion dhe reagim për kthimin e shpinës ndaj palestinezëve.
Lajmi vuri në dukje se Hamasi vepron si një krah i Vëllazërisë Myslimane në Gaza, dhe në këtë aspekt, “përfaqëson një lëvizje islamike, nacionaliste që Egjipti, Jordania dhe qeveritë arabe në Gjirin Persik e konsiderojnë të rrezikshme”.
Urayb Rentavi, nga Qendra e Studimeve Politike në Jerusalem me bazë në Oman, komentoi: “Mos e injoroni skenarin e një valë të re Pranverë Arabe. Kjo mund të përfshijë shumë vende.”
