Ministri i Mbrojtjes, Ejup Maqedonci, ka njoftuar se për herë të parë Kosova ka akredituar atashe të mbrojtjes jorezident në Slloveni, Kanada, Zvicër dhe Holandë, duke zgjeruar rrjetin e diplomacisë ushtarake
Siç ka thënë Maqedonci gjatë këtij viti, për herë të parë, atashe të mbrojtjes janë akredituar në Slloveni, Kanada, Konfederatë të Zvicrës dhe Holandë.
“Vetëm gjatë një viti janë akredituar për herë të parë atashe të mbrojtjes jorezident në këto shtete: Slloveni, Kanada, Konfederatë të Zvicrës dhe Holandë. Përfaqësuesit tanë ushtarakë tanimë janë të pranishëm edhe në disa shtete të tjera me të cilat kemi bashkëpunim të shkëlqyer bilateral si në SHBA, Mbretëri të Bashkuar, Gjermani, Turqi, Kroaci e Shqipëri, ndërsa në proces është akreditimi i atasheve në Itali, Japoni e Republikë Çeke,” shprehet ministri.
Ai ka theksuar rëndësinë e këtij hapi për rritjen e kapacitetit diplomatik dhe operacional të Forcës së Sigurisë së Kosovës (FSK), si dhe për forcimin e marrëdhënieve ndërkombëtare dhe partneriteteve strategjike.
“Zgjerojmë përfaqësimin dhe partneritetin për të ruajtur paqen, marrëdhëniet ndërkombëtare që ne zotohemi të mbrojmë: një rend të lirë dhe të hapur të bazuar në rregulla”,theksoi ministri Msaqedonci.
