Deputeti i PDK-së, Mërgim Lushtaku përmes një postimi ka reagur ndaj deklaratës së shefes së grupit parlamentar të VV-së Mimoza Kusari Lila, e cila sot deklaroi që më mirë është të paguajmë rrymën për serbët në veri, sesa të na kthehen policët në arkivol, shkruan Kosova Post.
Ai thotë se kjo deklaratë është heqje dorë nga sovraniteti dhe integriteti i Kosovës në pjesën veriore të Kosovës.
“Është skandaloze deklarata e shefes së grupit parlamentar të VV-së Mimoza Kusari Lila, e cila sot deklaroi që më mirë është të paguajmë rrymën për serbët në veri, sesa të na kthehen policët në arkivol! Kjo deklaratë është heqje dorë nga sovraniteti dhe integriteti i Kosovës në pjesën veriore të Kosovës”, ka shkruar Lushtaku.
Postimi i plotë
Është skandaloze deklarata e shefes së grupit parlamentar të VV-së Mimoza Kusari Lila, e cila sot deklaroi që më mirë është të paguajmë rrymën për serbët në veri, sesa të na kthehen policët në arkivol! Kjo deklaratë është heqje dorë nga sovraniteti dhe integriteti i Kosovës në pjesën veriore të Kosovës. Kjo deklaratë është dorëzim i Kosovës përballë bandave dhe grupeve në veri. Kjo deklaratë është fyerje e rëndë për shtetin e Kosovës, për policinë e Kosovës, për heroin Enver Zymberi.
Megjithatë, kjo deklaratë nuk është befasi, sepse qeveria Kurti 1 kishte dhënë 15 milion Euro për veriun kurse sot me vendimin e Komisionit për Ekonomi, Industri, Ndërmarrësi dhe Tregti të Kuvendit të Kosovës, të mbështetur nga deputetët e VV-së, nga taksat e qytetarëve të Kosovës do të ndahen 11 Milion Euro për të paguar rrymën e shpenzuar nga serbët në Veri.
Më shumë po ka ndikim Aleksandër Vuqiqi tek Mimoza Kusari dhe tek VV sesa tek lista serbe. Ky vendim është gjunjëzim i qeverisë së Kosovës para qytetarëve të papërgjegjshëm që nuk paguajnë taksat për shërbimet që marrin. Ky vendim është nënshtrim i Kosovës ndaj Serbisë!