Janë ministrat e Qeverisë Kurti II. Ata po drekojnë në vendin e njohur si ‘Qebaptorja te Shabani’, ku pothuajse secilit qytetarë ia mbanë ‘xhepi’ t’i shijojë gatimet të cilat servohen, shkruan Kosova Post.
Ministri i kulturës Hajrullah Çeku dhe ai i financave Hekuran Murati, në pauzën e drekës, janë parë së bashku në një tavolinë duke shijuar diçka nga gatimet e kësaj qebaptoreje, të shoqëruar me nga një pije freskuese.
Kuptohet i gjithë ky ‘salltanet’ nuk ka një kosto të lartë për një ministër, por në këtë rast tregohet thjeshtësia e tyre, përderisa kanë shkuar për t’u ushqyer aty ku çdonjëri prej nesh mund të ushqehet.
Duke qenë ministra, ata nuk kërkojnë ekskluzivitet të veshjes e as të ushqimit, por preferojnë një vend të thjeshtë ku ndihen komod./KosovaPost/