Ministrja e Ekonomisë, Artane Rizvanolli, shpalos detaje për Ndërmarrjen “Korporata e Ruajtjes së Energjisë”, e cila u themeluar në mbledhjen e fundit të Qeverisë, përcjell Kosova Post.
Ministrja thekson se kjo korporatë do të ketë në pronësi dhe do të menaxhojë 125 MË të kapacitetit të baterive të Programit Kompakt mes Qeverisë së Republikës së Kosovës dhe Shteteve të Bashkuara të Amerikës përfaqësuar nga Korporata e Sfidave të Mijëvjeçarit (MCC)
Tutje u shpreh Rizvanolli se përmes grantit më të madh në histori të vendit tonë po ndërtojmë kapacitetet e ruajtjes së energjisë ndër më të mëdhatë për kokë banori në Evropë.
Postimi i plotë i ministres Rizvanolli:
Në mbledhjen e fundit të Qeverisë së Republikës së Kosovës miratuam themelimin e Ndërmarrjes Publike Qëndrore:
“Korporata e Ruajtes së Energjisë” Sh. A apo “Energy Storage Corporation – ESCorp” 🇽🇰🇺🇸🔋
“Korporata e Ruajtes së Energjisë” (KRE) do të ketë në pronësi dhe do të menaxhojë 125MW të kapacitetit të baterive të Programit Kompakt mes Qeverisë së Republikës së Kosovës dhe Shteteve të Bashkuara të Amerikës përfaqësuar nga Korporata e Sfidave të Mijëvjeçarit (MCC).
Ndërmarrja KRE do të ofrojë shërbime si:
– Arbitrazhi i energjisë
– Balancimi i sistemit energjetik
– Operimi i sistemit të ruajtjes së energjisë
– Tregtimi i energjisë së ruajtur në rajon
– Modelimi përmes teknologjisë informative dhe simulimi i sistemit
Përmes grantit më të madh në histori të vendit tonë po ndërtojmë kapacitetet e ruajtjes së energjisë ndër më të mëdhatë për kokë banori në Evropë, e që do të menaxhohen nga kompania më e madhe në rajon e kësaj natyre!
