Zëdhënësi i LDK-së, Besian Mustafa, edhe këtë të premte mbajti konferencë për media para gazetarëve nga selia e LDK-së të cilën e quajti shtëpi të lirisë, pavarësisë e demokracisë. Ai tha se themelet e saj i vendosi Ibrahim Rugova, dikur zot shtëpie fizikisht e gjithmonë shpirtërisht.
Mustafa, tha se kosovarët meritojnë lidership që fokusohet në zgjidhje reale. Sipas tij , në tubimet zgjedhore të LDK-së po shfaqet entuziazmi qytetar e shpresa që po sjellë, sipas tij, LDK-ja.
Ka treguar se kandidati i kësaj partie, Lumir Abdixhiku gjatë ditës do të qëndrojë në Pejë ku do të përurojë Galerinë e Arteve.
“ Të investosh në kulturë, do të thotë të investosh në identitetin e të ardhmen e Kosovës. LDK-ja është e përkushtuar për ndërtimin e një kombi që vlerëson trashëgiminë e tillë duke parë përpara. Do të ketë një shëtitje nëpër qendrën qytetit të Pejës që pasqyron besimin e LDK-së në lidhjen e drejtpërdrejt me qytetarët. Ndryshimi fillon duke dëgjuar qytetarët. Gjithashtu do të vizitojë edhe urën e Lumbardhit. Infrastruktura e fortë lidhë dhe përbashkon qytetarët. LDK është e gatshme ta rindërtojë Kosovën, jo vetëm në ura, por besim e përparim”, tha Muatafa që gjithashtu tregoi se në Pejë Abdixhiku do të ketë vizita në biznese.
Nga Peja, kandidati i LDK-së do të vazhdojë për në Deçan, Junik për tu rikthyer sërish në Baran të Pejës.
I pyetur nëse do të paguajnë brenda afateve gjobën e PZAP-së ndaj tyre, tha se departamenti ligjor ka paraqitur ankesën në Gjykatën Supreme dhe sapo të kenë një vendim, do të njoftojnë për të.
