I Pari i LDK-së, Isa Mustafa pas takimit që pati me liderin e VV-së, Albin Kurtin tha se gjatë këtij takimi kanë shqyrtuar programin dhe kanë ardhur në përfundim se tashmë janë harmonizuar shumë çështje si në arsim, shëndetësi, harmonizimin e programit për shtetin ligjor, të politikave sociale, dhe si përfundim u dakorduam që menjëherë pas certifikimit të rezultateve të zgjedhjeve të fillojmë takimet për marrëveshjen e koalicionit qeverisës.
I pyetur nëse kanë diskutuar edhe për postin e kryeminisrit, apo të presidentit, Mustafa tha se për postin e kryeministrit, as për ndarjen e ministrive nuk kemi diskutuar, sepse po presim certifikimin e zgjedhjeve nga KQZ-ja.
‘Pas ceritifikimit, kemi kohë tri ditë që të ulemi në tavolinë për t’i ndarë ministritë dhe për të vendosur se kush e merr postin e kryeministrit’, tha Mustafa.
Sa i përket partnerëve të tjerë të koalicionit Mustafa tha se kjo i takon partisë së parë që del pas certifikimit të rezultateve./KosovaPost/
