Myftiu i Kosovës, Naim ef. Tërnava, ka uruar rizgjedhjen e reisit Rifat ef. Fejziq në krye të Bashkësisë Islame të Malit të Zi, transmeton Kosova Post.
Myftiu Tërnava në letërurimin e tij i ka uruar reisit Fejziq, punë të mbarë dhe të suksesshme në udhëheqjen e këtij institucioni, duke shprehur gatishmërinë e tij dhe të institucionit që ai drejton, që edhe më tej të vazhdojë bashkëpunimi i shkëlqyer në të mirë të besimtarëve, vendeve dhe shteteve tona.
‘Rizgjedhja e juaj në krye të Bashkësisë Islame në Mal të Zi, tregon më së miri besimin e besimtarëve dhe strukturave të Bashkësisë Islame në punën, angazhimin dhe vizionin tuaj të deritashëm si udhëheqës i Bashkësisë Islame , mision të cilin jam i bindur që me ndihmën e Zotit do ta kryeni me sukses edhe në këtë mandat’, ka shkruar Tërnava në letërurim.
Letër Urimi i plotë:
Myftiu i Kosovës, Naim ef. Tërnava me rastin e rizgjedhjes së reisit të Bashkësisë Islame të Malit të Zi Rifat ef. Fejziq, sot I ka dërguar letërurimi, me këtë rast, Myftiu Tërnava i uroi reisit punë të mbarë dhe të suksesshme në udhëheqjen e këtij institucioni, duke shprehur gatishmërinë e tij dhe të institucionit që ai drejton, që edhe më tej të vazhdojë bashkëpunimi i shkëlqyer në të mirë të besimtarëve, vendeve dhe shteteve tona.
Në vazhdim letra e plotë e Myftiut Tërnava drejtuar reisit Fejziq:
I nderuari Reis ef. Fejziq,
Në emër të Bashkësisë Islame të Republikës së Kosovës, institucioneve të saja dhe në emrin tim personal, me respekt e kënaqësi ju përgëzoj me rastin e rizgjedhjes tuaj në krye të Bashkësisë Islame në Republikën e Malit të Zi, duke lutur Krijuesin e gjithësisë që të keni shëndet, suksese e mbarësi në misionin tuaj .
Rizgjedhja e juaj në krye të Bashkësisë Islame në Mal të Zi, tregon më së miri besimin e besimtarëve dhe strukturave të Bashkësisë Islame në punën, angazhimin dhe vizionin tuaj të deritashëm si udhëheqës i Bashkësisë Islame , mision të cilin jam i bindur që me ndihmën e Zotit do ta kryeni me sukses edhe në këtë mandat.
I nderuar Reis Fejziq, bashkëpunimi ynë i deritashëm ka qenë i shkëlqyer, me lejoni që të ritheksoj edhe me këtë rast gatishmërinë e Bashkësisë Islame të Kosovës dhe timen që bashkëpunimi ynë në të ardhmen të arrij nivele edhe më të larta.
Duke ju uruar e përgëzuar, lus Zotin Fuqiplotë që të t’ju japë shëndet, mbarësi e suksese në misionin tuaj sa të rëndësishëm e fisnik!
Me shpresë që së shpejti t’ju takoj, ju përshëndes me selam!
K R Y E T A R I
Myftiu Naim ef. TËRNAVA