Sot është ndarë nga jeta Shehide Krasniqi, nëna e dy heronjve të Kosovës, Mujë e Ali Krasniqi.
Ndërsa për vdekjen e saj ka ngushëlluar kreu i AAK-së, Ramush Haradinaj, i cili tha se sakrifica e saj për atdheun është “shembull i madhështisë”.
“Me dhimbje të thellë mora lajmin për ndarjen nga jeta të nënës Shehide, nënë që lindi dhe rriti dy heronj të kombit Mujë e Ali Krasniqi. Sakrifica e saj dhe e bijve të saj është shembull i madhështisë dhe dashurisë për atdheun. Kujtimi i saj dhe i bijve të saj do të mbetet i përjetshëm në zemrat tona”.
“Ngushëllime të sinqerta familjeve Selimi dhe Krasniqi, dhe të gjithë atyre që e njohën. Qoftë i lehtë dheu i Kosovës për të, dhe qoftë e përjetshme lavdia e bijve të saj heronj!”, shkroi Haradinaj.
