Lëvizja Vetëvendosje ka kujtuar Arbënor Deharin, në 10-vjetorin e ndarjes së tij nga jeta.
Kryeministri Albin Kurti, bashkë me kryeparlamentarin, Glauk Konjufca, ministra, deputetë, e familjarët e ngushtë të Deharit, kanë bërë homazhe te varri i Arbnorit.
Nga Lëvizja Vetëvendosje shprehen se “kujtimi për Arbënorin do të jetë përherë i gjallë, i mbushur me aktivitete, i theksuar nga mësimi se idealizmi dhe veprimi i guximshëm janë forcat që ndërtojnë një të ardhme për të gjithë.”
“Arbënor Dehari vazhdon të jetë figurë qendrore dhe orientuese në angazhimin dhe ecjen tonë politike”.
“Arbënor Dehari na kujton se konceptet e vetëvendosjes, lirisë, barazisë, drejtësisë dhe solidaritetit nuk janë thjeshtë ideale të dëshiruara apo fjalë të thjeshta, por edhe detyrime për të cilat njeriu zotohet, angazhohet dhe punon përgjatë jetës së tij”.
