Pjesëmarrja e Bundeswehrit gjerman, në misionin paqeruajtës të KFOR-it në Kosovë, u vazhdua edhe për një vit tjetër.
Sekretarja e shtetit gjerman për Mbrojtjen, Siemtje Möller, e vlerësoi lartë vendimin duke e konsideruar arritje të forcave gjermane në stabilitetin e Kosovës.
”Për shkak të mbështetjes sonë të gjatë dhe të vazhdueshme, jo vetëm ushtarake, por edhe humanitare dhe politike për Republikën e Kosovës, Gjermania konsiderohet një partner i besueshëm edhe në mesin e popullatës”, theksoi ajo në një fjalim në Bundestag.
Sipas saj, Gjermania e ka dëshmuar besueshmërinë e saj ndaj Kosovës dhe në aleancë.
Ajo kujtoi se 25 vjet më parë një Bundeswehr i ri u nis në misionin e parë në Kosovë.
”Ne kemi qenë aty për dekada. Ky mision pati një ndikim të madh te shumë ushtarë dhe vazhdon edhe sot”, tha Möller, transmeton klankosova.tv.Partnerët ndërkombëtarë të Gjermanisë shikuan nga afër: ”në pozicionimin tonë, veprimet tona, besueshmërinë tonë”.
”Le të vazhdojmë ta shoqërojmë me vendosmëri Republikën e Kosovës në rrugën e saj drejt BE-Bashkimit Evropian”.
