Në seancën e cila është thirr për pyetje parlamentare në Kuvendin e Kosovës, po mungojnë shumica e deputetëve por edhe të kabinetit qeveritar, përfshirë kryeministrin Albin Kurti e kryeparlamentarin Glauk Konjufca.
Deputeti i PDK-së, Hajdar Beqa, kërkoi që të shtyhet kjo seancë derisa kërkoi që të shkohet në zgjedhje para sesionit vjeshtor, pasi siç u shpreh, kjo legjislaturë e ka humb legjitimitetin e saj.
“Pyetjet i kemi drejtuar më 20.10.2013, dhe nuk kemi pas rast t’ia themi kryeministrit. Nëse ju kujdeseni si kryesuese me na gjetë kryeministrin, unë muj me ia bë pyetjet, kjo pamje e Kuvendit tregon më së miri që duhet me shku në zgjedhje. Kryesia e Kuvendit ndoshta më së miri është dashtë me u koordinu edhe me shefa të Grupeve Parlamentare të Kuvendit e jo me thirr një seancë të tillë ku vijnë 10-15 deputetë e një ministër. Andaj po shihet që po degradohet institucioni që është tempull i demokracisë, ne jemi republikë parlamentare. Kur kryeministri dhe ministrat nuk e respektojë institucionin që i ka zgjedhur, andaj nuk mbetet tjetër vetëm të gjejmë rrugë juridike të shkojë në zgjedhje, unë nuk mendoj që duhet me shku në pushim të sesionit pranveror, për me shku në sesion vjeshtor pa e qu këtë qeveri në shpi por edhe ne me shku dhe me marrë legjitimitet të ri. Nuk është serioze kjo kryesuese nuk di kujt me ia bë pyetjen dhe nuk është 1 muaj, po flasim 6 muaj që nuk ka pas kohë kryeministri me ardhë me ia bë pyetjet”, deklaroi Beqa./ teve1.info
