Presidentja e Kosovës, Vjosa Osmani, është takuar sot me kryeministren e Letonisë, Evika Siliņa, në kuadër të samitit të Komunitetit Politik Evropian.
Osmani, bën të ditur se një nga temat e diskutuara gjatë takimit, ishte anëtarësimi i Kosovës në Këshillin e Evropës dhe heqja e masave ndaj Kosovës.
“Letonia është një partner i fuqishëm i Kosovës, duke përkrahur jo vetëm shtetndërtimin, por edhe përpjekjet tona për integrimin euroatlantik. Me kryeministren Evika Siliņa, biseduam për përkushtimin tonë të palëkundur për të avancuar në rrugën tonë evropiane, me theks të veçantë për anëtarësimin e Kosovës në KiE, heqjen e masave ndaj Kosovës, si dhe për ecjen përpara me statusin e kandidatit për vendin tone”, , shkruan presidentja Osmani në Facebook.
