Presidentja e Kosovës Vjosa Osmani e ka uruar presidenten e sapozgjedhur të Meksikës Claudia Sheinbaum, ndërsa shpreson se presidenca e saj do të ofrojë një mundësi për bashkëpunim me Kosovën, përcjell Kosova Post.
Ndërsa uron zgjedhjen e saj, Osmani thekson se në kohën kur bota përballet me shumë sfida, është frymëzuese që grate po marrin role udhëheqëse.
“Urime Presidentes së zgjedhur në zgjedhjen e saj historike si presidentja e parë grua e Meksikës. Në një botë që përballet me shumë sfida, është frymëzuese të shohësh më shumë gra që marrin role udhëheqëse. Shpresoj se presidenca e saj do të ofrojë një mundësi për bashkëpunim të zgjeruar mes vendeve tona”, është shprehur presidentja Osmani.
