Enver Hoxhaj nga PDK, pas sulmit të Iranit ndaj Izraelit, shpreh shqetësimin për situatën në Kosovë, ndërsa thekson se vendi ynë duhet të ndjekë një politikë diplomatike të mençur dhe shtim të kapaciteteve të sigurisë, përcjell Kosova Post.
Ndërsa kujton ‘rrezikun’ që mund të ketë vendi, ish-kryediplomati tha se sulmi i Iranit mbi Izraelin, vazhdimi i luftës në Ukrainë dhe Gaza, agresionit i Serbisë në Banjskë vjet dhe deklarimi i hapur i Hungarisë kundër anëtarësimit të Kosovës në Këshill të Evropës, “janë ngjarje që tregojnë që për Kosovën një politikë e jashtme e mençur, së bashku me rritjen e kapaciteteve të sigurisë duhet ta ketë primatin mbi çdo politikë të brendshme ekonomike dhe shoqërore”.
Ai ka shtuar se kushdo që mendon të kundërtën e ka shumë gabim.
Postimi i plotë i Enver Hoxhaj në Facebook:
Sulmi i Iranit mbi Izraelin mbrëmë, vazhdimi i luftës në Ukrainë dhe Gaza, agresionit i Serbisë në Banjskë vjet dhe deklarimi i hapur i Hungarisë kundër anëtarësimit të Kosovës në Këshill të Evropës, gjë që çdoherë ka votuar për anëtarësimin tonë në organizata, janë ngjarje që tregojnë që për Kosovën një politikë e jashtme e mençur, sëbashku me rritjen e kapaciteteve të sigurisë duhet ta ketë primatin mbi çdo politikë të brendshme ekonomike dhe shoqërore! Kushdo që mendon të kundërtën e ka shumë gabim, kur sot Kosova është e izoluar nga aleatët perëndimorë dhe e kërcënuar nga kundërshtarët lindorë!
