Kosova e ka shënuar rënien më të madhe në 15 vjetët e fundit në indeksin vjetor për lirinë e shtypit të organizatës Reporterët pa Kufij, duke u renditur në vendin e 99-të në botë nga 180 shtete.
Ndaj këtij raporti ka reaguar aktivisti Rron Gjinovci, i cili e konsideron këtë të pamundur.
Gjinovci përmes një shkrimi në Facebook thotë se nëse ka ndonjë vend në botë që mediat shpifin më lirshëm se në Kosovë pa kurrfarë pasoje, atëherë kjo e dhënë është e vërtetë.
Tutje, ai shpreh keqardhje për këtë.
“Për besë, kjo është e pamundur. Nëse ekziston ndonjë vend në botë ku mediat shpifin më lirshëm se në Kosovë, pa asnjë pasojë, atëherë kjo e dhënë është e saktë. Kaq mund të them. Më vjen keq, por liria e medias në Kosovë nuk mund të jetë më e ulët se në Serbi dhe Shqipëri, në asnjë variant.”, ka shkruar Gjinovci
