Eksperti Dritan Hoti, ka analizuar situatën politike në rajon dhe botë ndërsa është ndalur konkretisht te vizita e presidentit të Kinës Xi Jinping, në Serbi ku pritet të takohet me Aleksandër Vuçiq.
Në një intervistë për Euronews Albania, ai theksoi se Kina shkon në Serbi sepse shoqëria serbe dhe elita e saj afishon qëndrimet tradicionale në perceptimet kombëtare dhe në politikat e jashtme.
Mes tjerash ai theksoi se Kina kërkon hapësira ku të ketë influencë.
“Kina shkon në Serbi sepse shoqëria dhe elita serbe, afishon qëndrimet tradicionale në perceptimet kombëtare dhe në politikën e saj të jashtme. Përtej anës ideologjike pasi ka një hekurudhë që lidh Serbinë me Hungarinë.
Serbia është në pozita më shumë tradicionale se Hungaria. Kina kërkon hapësira ku të ketë influencë. Serbia përveç marrëdhënieve me Rusinë që nuk e ka ndërmend të shkëputet shihet si një rrezik për ndërkombëtarët”-tha Hoti.
