Pesë persona janë zhdukur dhe disa të tjerë janë lënduar në një shpërthim që ndodhi në zonën industriale të qytetit perëndimor gjerman, Leverkusen.
Shpërthimi ndodhi në orën 9 e 40 minuta, duke shkaktuar zjarr në një depo të parkut industrial “Chempark”, ku ndodhen kompani të njohura të kimikateve si “Bayer”.
Operatori i kësaj zone, Currenta, tha se disa pjesëtarë të stafit janë lënduar, së paku dy prej tyre më seriozisht, ndërsa pesë persona janë zhdukur. Raportohet se shkaktari i shpërthimit ende nuk dihet.
https://twitter.com/haverkamp_wiebe/status/1419951727223001092?ref_src=twsrc%5Etfw%7Ctwcamp%5Etweetembed%7Ctwterm%5E1419951727223001092%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fpese-te-zhdukur-nga-shperthimi-i-fuqishem-ne-gjermani%2F
Agjencia gjermane e mbrojtjes civile i paralajmëroi banorët e zonës për rrezik ekstrem dhe policia kërkoi që banorët të qëndrojnë brenda shtëpive e banesave dhe t’i mbajnë mbyllur dyert e dritaret, shkruan Reuters.
E përditshmja gjermane, “Koelner Stadt-Anzeiger”, raportoi se shpërthimi ndodhi në lagjen Buerring në një impiant për përpunimin e mbeturinave.