Presidenti i SHBA, Joe Biden, ka prezantuar planin e paqes midis Izraelit dhe Hamasit. Plani propozon një armëpushim në Gaza në këmbim të lirimit të pengjeve. Biden u bëri thirrje Hamasit të pajtohej me ofertën e re, duke thënë se kjo ishte mënyra më e mirë për t’i dhënë fund konfliktit.
“Është koha që kjo luftë të përfundojë dhe të fillojë e nesërmja. Kjo vendos skenën për një zgjidhje politike që ofron një të ardhme më të mirë për izraelitët dhe palestinezët. Tani, pas diplomacisë intensive të kryer nga ekipi im, bisedave të mia të shumta me liderët e Izraelit, Katarit dhe Egjiptit dhe vendeve të tjera të Lindjes së Mesme, Izraeli ka ofruar një propozim të ri gjithëpërfshirës”.
Propozimi i bërë publik nga Biden përbëhet nga tre faza; e para do të ishte një armëpushim që zgjat gjashtë javë. Në fazën e dytë, Hamasi dhe Izraeli do të negociojnë kushtet e përfundimit të përhershëm të armiqësive.
Faza e tretë do të përfshijë një plan të madh rindërtimi për Gazën. Propozimi theksoi Joe Biden i është transmetuar Hamasit nga Katari. Gjithashtu, Presidenti amerikan Joe Biden tha se ushtria izraelite duhet të tërhiqet nga Gaza brenda “gjashtë javësh”, A2CNN. Ajo që nuk dihet është reagimi që do të bëjë Tel-Avivi pas fjalimit të Biden për përfundim të luftimeve brenda 6 javësh. Me shumë gjasë, Izraeli nuk do të pajtohet me ndalimin e luftimeve që nuk janë pjesë e një marrëveshjeje që përfshin kthimin e pengjeve të mbijetuar, tha një zyrtar i lartë izraelit i sigurisë, citon Reuters.
