Policia e Kosovës, përkatësisht Departamenti i Krimeve të Rënda është duke zhvilluar operacione në disa lokacione të ndryshëm në vend.
Përveç operacionit në në Agjencinë për Zhvillimin e Bujqësisë, policia është duke e zhvilluar bastisje edhe në lokacione të ndryshme të Kosovës.Zëdhënësi i Policisë, Baki Kelani ka konfirmuar për lajmi.net se Policia e Kosovës është duke e realizuar një operacion policor në disa lokacione, në rajone të ndryshme.
Mirëpo nuk ka dhënë detaje shtesë.“Mund të konfirmojmë se, Policia e Kosovës është duke e realizuar një operacion policor në disa lokacione, në rajone të ndryshme. Informacione shtesë mund të jipen pas përfundimit të operacionit policor”, ka thënë Kelani.
