Presidentja Vjosa Osmani gjatë qëndrimit në Konferencën e Sigurisë në Munih ka takuar një delegacion të kongresistëve amerikanë.
Presidentja Osmani e ka vlerësuar këtë takim si jashtëzakonisht të përzemërt dhe të rëndësishëm.
“Mbështetja e Kongresit Amerikan ka luajtur një rol kyç në shkrimin e historisë së Kosovës së lirë, të pavarur dhe sovrane. Kjo mbështetje vazhdon edhe sot, ndërsa punojmë së bashku për të adresuar sfidat e përbashkëta dhe për të hapur kapituj të rinj bashkëpunimi që thellojnë dhe fuqizojnë më tej aleancën tonë historike”, ka shkruar e para e shtetit në Facebook, teksa ka postuar edhe disa foto nga takimi me kongresistët amerikanë.
