Përpara votimit mbi Rezolutën për Srebrenicën në Kombet e Bashkuara, politikanët nga Republika Srpska paraqitën një sërë idesh të diskutueshme.
Mladen Grujiçiq, kryetari aktual i Srebrenicës, dhe lideri i partisë së tij Milorad Dodik njoftuan mundësinë e ndryshimit të emrit të Srebrenicës.
Kjo ide, e cila u konfirmua në publik nga Grujicic më 30 maj, dyshohet se ishte e motivuar nga frika se Rezoluta për Srebrenicën mund të zmbrapste investitorët.
Që atëherë kanë kaluar dy muaj dhe as Grujiçiq e as Dodik nuk kanë bërë asgjë konkrete për këtë çështje. Në ndërkohë, Grujiçiq humbi mbështetjen për një mandat të ri, sepse partitë pro-serbe vendosën të mbështesin Millosh Vuçiqin për kryetar të Srebrenicës.
Dodik bëri gjithashtu një numër deklaratash të diskutueshme, duke përfshirë pretendimin se “askush nuk vdiq më 11 korrik” në Srebrenicë. Ai gjithashtu bëri të ditur se do t’u dërgojë politikanëve në Federatë një marrëveshje për shkëputje paqësore. Të gjitha këto deklarata dukej se ishin përpjekje të Dodikut për të fituar pikë politike para zgjedhjeve ose pas humbjes së betejave të rëndësishme, shkruan gazeta express.Mbetet e paqartë nga cila rrymë brenda SNSD-së erdhi ideja e ndryshimit të emrit të Srebrenicës dhe nëse kjo lidhet me zgjedhjet e ardhshme lokale në tetor. Është e rëndësishme të theksohet se, në kontekstin e qetësimit të tensioneve politike dhe tensioneve të tjera, nuk u ndërmor asnjë iniciativë për ndryshimin e emrit të Srebrenicës, gjë që mund të kishte pasoja negative për të gjitha palët.
