Pse Juventusi ende nuk ka zyrtarizuar ende marrëveshjen me Randal Kolo Muanin, i cili zbarkoi në Torino të mërkurën në mbrëmje dhe kreu dje vizitat mjekësore?
Probleme burokratike po pengojnë regjistrimin e sulmuesit francez të PSG-së, i cili, në këtë pikë, me shumë gjasa nuk do të jetë i disponueshëm për Thiago Motta-n për ndeshjen e nesërme kundër Milanit. Klubi francez, në fakt, ka shumë lojtarë në huazim këtë sezon. Marrëveshja me bardhezinjtë nuk është në rrezik, por do të duhet durim për të zgjidhur situatën.
Situata e Kolo Muani
Disa vite më parë, FIFA vendosi një rregull për të kufizuar transferimet e përkohshme: çdo ekip mund të ketë maksimumi 6 lojtarë në huazim. Në këtë numër nuk përfshihen lojtarët e rritur në akademinë e klubit, siç janë Ilyes Housni (aktualisht te Le Havre), Lucas Lavallée (te Aubagne) dhe Xavi Simons (te Leipzig) për PSG-në. Gjithsesi, PSG ka mbushur gjashtë vendet me Gabriel Moscardo (te Reims), Carlos Soler (te Ëest Ham), Nordi Mukiele (te Bayer Leverkusen), Renato Sanches (te Benfica), Juan Bernat (te Villarreal) dhe Cher Ndour (te Besiktas).
Si zgjidhet situata e Kolo Muani?
Në këtë pikë, ka vetëm dy rrugë për zgjidhjen e situatës: PSG duhet ose të tërheqë një lojtar nga huazimi ose, më me gjasë, të shesë një prej tyre (Ndour duket më i mundshmi). Ka besim si nga pala bardhezi, ashtu edhe nga ajo franceze, ndaj marrëveshja për kalimin e Kolo Muani te Juvja nuk vihet në dyshim. Gjithsesi, do të duhet durim për të rregulluar të gjitha pjesët e kësaj “dominoje”.s.n.
