Shkruan: Fadil Maloku
Ne skenën politike shqiptare, aktet dhe sjelljet e ndodhura në pêrditshmëri e tyre qofshin ato skandale apo edhe sjellje deviante, përmbyllen zakonisht më shumë me “kontrata” morale se sa sosh juridike! Dhe i gjithë ky proces tëhuajsues e normues i sjelljes sonë kolektive po vazhdon të ndërtohet e rindërtohet edhe sot e kësaj dite me këtë shabllon. Pra, shabllon ku në vend të normës juridike vazhdon të afirmohet edhe më tej standardi i vlerës morale- si vlerë historike dhe “pronē” etike e antikiteti shqiptar, dëshmon që demokracia ende mbetet improvizim. Andaj ka shumë indikacione që përmes këtij shablloni, kanë filluar të familjarizohën edhe grupe e klane të ndryshme të interesit. Ky fenomen mund hetohet dhe mund të skanohet më së miri nē politikë, ku (etika e përgjegjësisë politike) rëndësia e rolit ideologjik mbetet ende vetēm relevancë periferike, që loz shumë pak rol në jetën e njerzëve.
Mbetet kështu edhe për shkak se raporti
midis “etikës së përgjegjësisë” dhe “etikës së së mirës përfundimtare” – siq do shprehej sociologu gjerman Maks Weber, janë ende në konfrontime serioze. Në gjithë këtë “odisejadë” ballafaqimi të këtyre grupeve të interesit që u reflektua edhe në qeverisjen Hoti (skandali u”avullimit” të 2milion€). Fenomeni i fragmetarizimit të themi kështu i interesave, apo reduktimi i këtyre interesave në vetëm grupe të vogla interesi, në një mënyrë po e shtensionon dallimin ideologjik midis partive politike kosovare, por në anën tjetër ky fragmentarizim po prodhon edhe një proces tjetër absurd që demokracisë se tanishme kosovare s’i nevojitet fare…Fjala është per zhvendosjen e mendjes se publikut nga ngjarjet…proceset dhe rrjedhat kruciale të shoqërisë kosovare.
Në rrethanat tona kosovare, duket qe, ky lloj indeferentizimi është duke prodhuar ende antipodin e vetë, atë të apolitizmit, të cilin komuniteti i sociologëve tanē duhet ta konvertoj në kontekstin e asaj që kësaj dukurie tē re t’i japin një përgjigje komplementare; sociale (duke interpretuar raportet e ndërvarësisë midis qytetarisē…), edhe ekonomike (duke kuptuar cilësinë dhe standardin e jetesës), edhe sosh politike (duke u bë skllav i verbët i eprorit), e sidomos sosh kulturore…
Fakti dhe akti i mbijetimit të “kontratës” morale, deri në ditët e sotme, kundruall standardit dhe normēs juridike, dëshmon më së miri antikitetin tonë social e historik, në këto troje!
