Këngëtarja shqipatare me famë botërore, Dua Lipa ka qenë prej kohësh imazh i brendit të njohur ‘Puma’. Por tani po e çojnë partneritetin e tyre një hap më përpara me bashkëpunimin e tyre të parë, transmeton Kosova Post.
Pasi u emërua vjeshtën e kaluar si ambasadore e markës, këngëtarja shqiptare dhe Puma po nxjerrin në treg një koleksion të titulluar në shqip “Flutur”.
Koleksioni i frymëzuar nga vitet ’90 do të përfshijë katër pjesë në stilet e veshjeve dhe këpucëve dhe përmban një logo të re që kombinon logon e Puma-s me një flutur.
“Për mua, fluturat janë më shumë se thjesht krijesa të bukura. Ato përfaqësojnë shumë, si transformimin, shpresën dhe metamorfozën.
Gjatë vitit të kaluar, flutura është bërë veçanërisht simbolike dhe kuptimplotë për mua.”, tha Lipa.
Ajo u emërua si imazhi i markës në nëntor 2020, në krye të fushatës “She Moves Us” që inkurajon gratë të lidhen përmes sportit dhe kulturës.
“Flutur” do të publikohet më 18 dhjetor në faqen e Puma-s dhe në dyqane. Çmimet e koleksionit variojnë nga 30 deri në 110 dollarë.