Ambasada e Shteteve të Bashkuara të Amerikës në Kosovë ka kërkuar nga qytetarët në Kosovë që të ndajnë traditën e tyre për shënimin e Muajit të Ramazanit, transmeton Kosova Post.
Në faqen zyrtare në Facebook, të Ambasadës ndër të tjera theksohet se Ramazani është një periudhë e shenjtë lutjeje e reflektimi duke festuar me familjen e komunitetin.
“Për muslimanët këtu në Shtetet e Bashkuara dhe jashtë saj, Ramazani është një periudhë e shenjtë lutjeje dhe reflektimi, duke festuar me familjen dhe komunitetin, si dhe duke kujtuar dhe duke shërbyer ata që kanë më pak me empati dhe çiltërsi. Si po e festoni #Ramazanin në Kosovë? Ndani traditën tuaj me ne!”, thuhet në postimin e Ambasadës.
