Deputeti i Partisë Demokratike të Kosovës Elmi Reçica gjatë qëndrimit të tij në Zvicër, sot ka vizituar nëndegën e re të PDK-së në Kantonin Jura me qendër në Delemont, me të cilët ka bashkëbiseduar për zhvillimet në Kosovë dhe perspektivën për të ardhmen, përcjell KosovaPost.
Përmes një postimi në Facebook, Reçica ka thënë se kryesia e re e kësaj nëndege dhe aktivistët e PDK-së në Kantonin Jura janë të përkushtuar që të shpalosin vizionin e partisë për të ardhmen e vendit dhe të diasporës.
“Qytetarët tanë në Zvicër gjithmonë kanë qenë shtylla kryesore e mbështetjes për lirinë dhe shtetndërtimin e Kosovës. PDK do të jetë afër secilit qytetar në diasporë për t’i koordinuar së bashku hapat e duhur për krijimin e kushteve sa më të favorshme për kthimin e dijes, përvojës dhe kapitalit të tyre për zhvillimin e Kosovës.”, ka shkruar Reçica.
Postimi i plotë:
Pak ditë pas themelimit, kisha kënaqësi ta vizitoj nëndegën e re të Partisë Demokratike të Kosovës në Kantonin Jura me qendër në Delemont, të cilët kishin ftuar edhe bashkardhetarë të tjerë për të bashkëbiseduar për zhvillimet në vendin tonë dhe perspektivën për të ardhmen.
Kryesia e re dhe aktivistët tanë në Kantonin Jura janë të përkushtuar që të shpalosin vizionin e PDK-së për të ardhmen e vendit dhe të diasporës tonë.
Qytetarët tanë në Zvicër gjithmonë kanë qenë shtylla kryesore e mbështetjes për lirinë dhe shtetndërtimin e Kosovës.
PDK do të jetë afër secilit qytetar në diasporë për t’i koordinuar së bashku hapat e duhur për krijimin e kushteve sa më të favorshme për kthimin e dijes, përvojës dhe kapitalit të tyre për zhvillimin e Kosovës.
