Ambasada e Gjermanisë në Kosovë ka reaguar pas veprimeve të Serbisë në Këshillin e Evropës, duke i cilësuar ato si pengesë për përparimin e Kosovës dhe shkelje të Marrëveshjes së Ohrit të vitit 2023.
Në një postim në platformën X, ambasadori gjerman Joern Rohde theksoi mbështetjen e Gjermanisë për anëtarësimin e Kosovës në Këshillin e Evropës dhe përpjekjet për të siguruar votat e nevojshme.
“BE-ja ka reaguar ashpër: veprimet e Serbisë në Këshillin e Evropës, që pengojnë përparimin e Kosovës, shkelin Marrëveshjen e Ohrit të vitit 2023. Gjermania qëndron përkrah Kosovës, duke mbështetur aspiratën e saj për anëtarësim të plotë në KE dhe duke ndihmuar në sigurimin e votave bazuar në meritën e saj” – thuhet në reagimin e ambasadorit, rtk.
Kosova është në pritje të një vendimi përfundimtar për anëtarësimin në Këshillin e Evropës.
