Komuna e Prishtinës, u bën thirrje qytetarëve që të mos hedhin mbeturina, cigare të ndezura, shishe të qelqit dhe të plastikës, sepse mund të jenë burim i zjarrit.
Ky apel drejtuar qytetarëve ka ardhur si rezultat i parashikimeve meteorologjike dhe temperaturave të larta.
Tutje në njoftimin e komunës thuhet që banorët të kenë kujdes në hedhjen e mbeturinave, cigareve apo shisheve të qelqit, me qëllim të parandalimit të rrezikut nga zjarret.
“Sipas parashikimeve meteorologjike dhe si rezultat i temperaturave të larta që po mbizotërojnë në vendin tonë ju apelojmë të keni kujdes të shtuar me qëllim të parandalimit të rrezikut nga zjarret dhe mbrojtjen e jetës së qytetarëve, të pronave, kafshëve dhe ambientit”, thuhet në njoftim.
Ndërsa bëhet e qartë se zjarrëveniet e qëllimta dhe ato të shkaktuara nga pakujdesia janë vepër penale të cilat sanksionohen me ligj.
