Sekretari i përgjithshëm i NATO-s, Mark Rutte, tha se aleatët evropianë kanë investuar tashmë qindra miliarda dollarë për industrinë e mbrojtjes së SHBA-së.
Rutte bëri një vlerësim për Agjencinë Gjermane të Lajmeve (DPA) në lidhje me marrëdhëniet midis Evropës dhe industrisë së mbrojtjes amerikane.
“Aleatët evropianë kanë investuar tashmë qindra miliarda dollarë për industrinë e mbrojtjes së SHBA-së”, u shpreh Rutte, i cili vuri në dukje se kjo shumë mund të rritet ndjeshëm nëse nuk nevojitet që industria e mbrojtjes amerikane të marrë miratim nga Kongresi, Pentagoni dhe Shtëpia e Bardhë.
Duke iu referuar kërkesës së Evropës për sistemet e mbrojtjes raketore “Patriot”, Rutte deklaroi se, “Njëra prej tyre kushton 2 miliardë euro. Për këtë arsye kjo është një shumë e madhe parash për ekonominë e SHBA-së”, transmeton Anadolu.Pasi bëri të ditur se mendon që presidenti i sapozgjedhur i SHBA-së, Donald Trump, do të rrisë presionin ndaj aleatëve evropianë me shpenzime të ulëta të mbrojtjes, Rutte tha se lehtësimi i kufizimeve në industrinë e mbrojtjes amerikane, mund të zvogëlojë rrezikun e konfliktit politik për blerjen e sistemeve të armëve nga vendet jo anëtare të NATO-s.
