Nikolla Sandulloviq, kryetar i Partisë Republikane të Serbisë, e konsideron presidentin e Serbisë, Aleksander Vuçiq të njëjtë me ish-presidentin Sllobodan Millosheviq. Derisa ky i fundit e kishte pasur afër vetës një figurë tjetër kriminale, Zhelko Razhnjatoviq-Arkan, Vuçiqi po e mbanë afër vetës Milan Radoiçiqin, udhëheqësin dhe financuesin e sulmit kriminel në Basnjskë.
Ai në një foto në X, shkruan se “ ku qëndron dallimi”.
“Ku është dallimi? Nuk ekziston! Gjithçka është njësoj si më parë. Pyetja e vetme është nëse gjithçka do të përfundojë njësoj si më parë”, shkruan sanduloviq.
Ai në X kishte përmendur edhe institucionet ndërkombëtare e amerikane të sigurisë, përfshirë edhe NATO-n e KFOR-in.
Kujtojmë se Sandulloviq, është politikani i vetëm ose nder të rrallët serbë, që ka bërë homazhe në Kompleksin Memorial të Dëshmorëve në Prekaz dhe ka vendosur lule te varri i Blerina Jasharit, vajzës së mitur e cila humbi jetën në sulmin ndaj familjes Jashari në mars 1998.
Pas kësaj ngjarje, atë në Serbi, siç ka deklaruar vetë politikani opozitar, e kanë sulmuar pjesëtarë të sigurimit shtetëror serb- BIA. Në mesin e sulmuesve ai thotë se e ka njohur edhe Milan Radoiçiqin. Ky i fundit kërkohet nga institucionet ndërkombëtare të sigurisë për sulmin në Banjskë ku u vra polici Afrim Bunjaku.
