Drejtoresha e Arsimit në Prishtinë, Jehona Lushaku-Sadriu ka bërë të ditur se nesër (e enjte) kryeqyteti do të jetë në zi pas vdekjes së nxënësit të shkollës “Ismail Qemali”, Mal Çavdarbasha, nxënës i shkollës “Ismail Qemali”.
Me anë të një postimi në Facebook, ajo tha se mbledhjen Komemorative do t’a mbajmë në shkollë nga ora 10.30.
“Me dhimbje të thellë e keqardhje morrëm lajmin e largimit nga kjo jetë e nxënësit të shkëlqyer e me sjellje shembullore, Mal Çavdarbasha. Ndajmë dhimbjen me familjen, me shokët e shoqet e shkollës së Malit, ‘Ismail Qemali’; e veçanërisht nënën e Malit, arsimtaren Arjeta Cavdarbasha.”, ka shkruar ajo.
“Kryeqyteti nesër do të jetë në zi, derisa Mbledhjen Komemorative do t’a mbajmë në shkollë nga ora 10.30 e bashkë do të përcjellim Malin për në shtëpinë e përhershme në Arbëri- Prishtinë, në ora 15.30.”, ka shtuar ajo.
“Të qoftë i lehtë dheu, Mal!”, përfundoi Lushaku-Sadriu.
