Seibert rikujtoi se shefja e Berlinit zyrtar dhe Presidenti Recep Tayyip Erdogan realizuan të premten një lidhje me videkonferencë, ku biseduan për çështje me interes të përbashkët, transmeton Kosova Post.
Ai tha se të dy udhëheqësit trajtuan çështje të ndryshme rajonale duke përfshirë luftimin e pandemisë së koronavirusit dhe situatën në Mesdheun Lindor.
“Kancelarja riafirmoi rëndësinë e marrëdhënieve gjithëpërfshirëse dhe konstruktive mes BE-së dhe Turqisë”, u shpreh ai dhe theksoi se ata ranë dakord mbi nevojën për mbështetje të plotë nga brenda dhe jashtë vendit për krijimin e një qeverie në Libi nën udhëheqjen e Kryeministrit Abdul Hamid Dbeiba.
Duke vënë në pah se Merkel nënvizoi që çështjet e diskutueshme në Mesdheun Lindor mund të zgjidhen vetëm përmes dialogut dhe mbi bazat e së drejtës ndërkombëtare, zëdhënësi Seibert tha se kancelarja mirëpriti njoftimin që bisedimet jozyrtare për Qipron do të fillojnë së shpejti me ndërmjetësimin e Organizatës së Kombeve të Bashkuara./trt.net
