Senatori republikan amerikan John Cornyn paralajmëroi se konflikti në Ukrainë është fillimi i konflikteve të tjera, jo fundi, sepse diktatorët e etur për pushtet nuk do të kënaqen, tha ai, me fitime të vogla territoriale, transmeton Kosova Post.
Cornyn, një senator republikan nga Teksasi, tha se një sukses i vogël do të hapte oreksin e atyre diktatorëve, jo vetëm presidentit rus Vladimir Putin, por edhe presidentit kinez Xi Jinping.
Senatori republikan theksoi, në një artikull të botuar nga Newsweek , se presidenti kinez nuk e fshehu dëshirën e tij për të pushtuar Tajvanin dhe se Partia Komuniste Kineze pretendon se Tajvani është pjesë e territorit kinez.
Cornyn tha se presidenti Xi ka deklaruar se dëshiron të jetë gati për të pushtuar Tajvanin deri në vitin 2027.
Në artikull, ai preku gjithashtu ndikimin e konfliktit në Ukrainë në Shtetet e Bashkuara dhe botën, duke vënë në dukje se pavarësisht zhvillimeve pozitive në këtë çështje, ndihma ushtarake për Ukrainën zbuloi mangësi të mëdha të industrisë amerikane të mbrojtjes.
