Ministri i Punëve të Jashtme të Serbisë, Ivica Daçiq, ka theksuar se Serbia është në rrezik të menjëhershëm, sepse është nën presion të madh nga vendet perëndimore, të cilat, siç thotë ai, duan të “shtyjnë” Kosovën në organizatat ndërkombëtare, transmeton Kosova Post.
“Vendi ynë është në një situatë të rëndë. Shtytja politike e Kosovës në organizatat ndërkombëtare vazhdon dhe për këtë përdoren mekanizmat ndërkombëtarë”, tha Daçiq.
Duke folur për Rezolutën e OKB-së për gjenocidin në Srebrenicë, e cila u shpall për 27 prill, ai theksoi se është një vendim i turpshëm duke marrë parasysh të gjitha faktet historike.
Ai theksoi se Perëndimi harron se në vitin 1999 është kryer një agresion ndaj Serbisë për të cilin askush nuk është mbajtur përgjegjës dhe që është shpallur si “ndërhyrje humanitare” edhe pse janë vrarë civilë.
“Vendet perëndimore thonë se nuk ka nevojë për t’u kthyer në të kaluarën, dhe çështja e Srebrenicës, e cila ka ekzistuar para agresionit të NATO-s, nuk është kthim në të kaluarën? Tani dikush po na ligjëron për faktin se ne nuk kemi vizion dhe nuk shikojmë në të ardhmen dhe se duhet t’i bashkohemi asaj Rezolute e kështu me radhë”, tha Daçiq për Pink.
Ai sqaron se bombardimet e NATO-s nuk janë gjë tjetër veçse agresion, sipas të drejtës ndërkombëtare publike, sepse ishte sulm i shteteve të tjera në territorin e Serbisë.
Këshilli i Sigurimit i OKB-së, thekson ai, nuk do ta pranojë kurrë rezolutën për gjenocidin, sepse as Rusia dhe Kina nuk do ta pranojnë kurrë.
Megjithatë, siç shton ai, disa vende të bashkësisë ndërkombëtare pretendojnë se Rezoluta ka shumicën në Këshillin e Evropës, nga ku u tërhoq Rusia, edhe pse ajo organizatë ndërkombëtare nuk e ka peshën e KS.
Ai iu referua edhe seancës së Këshillit të Sigurimit të OKB-së për bombardimet e NATO-s, e cila ishte caktuar me kërkesë të Rusisë, dhe theksoi se disa përfaqësues të bashkësisë ndërkombëtare i thanë të mos vinte në Nju Jork dhe të mos shpenzonte para, sepse nuk do të ketë Sesioni i Këshillit të Sigurimit për bombardimet e NATO-s.
