Një 70-vjeçar është gjetur i vdekur në Bjeshkët e Nemuna, konkretisht tek vendi i quajtur “Kërrshi i Jedovës”, përcjell KosovaPost.
Bëhet fjalë për R.K, i cili dyshohet se duke mbledhur çaj mali, ka rrëshqitur në greminë, duke marrë lëndime vdekjeprurëse.
Kështu bëri të ditur përmes një komunikate, Shërbimi i Kërkim – Shpëtimit Malor të Kosovës.
“ShKShMK e përbërë nga stacioni i Junikut, Deçanit dhe Prizrenit ka filluar operacionin e kërkim-shpëtimit menjëhërë pas thirrjes së pranuar. Pas disa orë kërkimesh duke u bazuar në informacion dhe gjetjen e gjurmëvë është orientuar kërkimi në vendin e dyshuar”, thuhet në njoftim.
“Ky operacion është zhvilluar në bashkëpunim me Policinë e Kosovës dhe banorët e zonës. Ngushëllime të thella familjarëve. Faleminderit të gjithë pjesëmarrësit që morrën pjesë në realizimin me sukses të këtij misioni.
