Sipas një raporti të ri nga qeveria irlandeze, rreth 9,000 fëmijë kanë vdekur në institucionet e kishës irlandeze të nënave të pamartuara. Kjo është rreth 15 për qind e të gjithë fëmijëve të lindur ose që jetojnë në këto institucione për një periudhë 80 vjeçare.
Raporti gjithashtu përmend abuzimin emocional të grave, veçanërisht gjatë lindjes, raporon abc.news.
Shifrat qeveritare tregojnë se niveli i vdekshmërisë foshnjore në shtëpitë ku dhjetëra mijëra gra, përfshirë ato të dhunuara, u dërguan për lindje ishte pesë herë më e lartë se shkalla e vdekshmërisë foshnjore e lindur në familje me prindër të martuar.
Institucionet e këtij lloji drejtoheshin për pjesën më të madhe të shekullit të XX-të nga murgeshat dhe anëtarët e tjerë të Kishës Katolike Romake. Ata u financuan nga shteti dhe gjithashtu funksionuan si agjenci birësimi. Shtëpia e fundit e tillë u mbyll në vitin 1998.
Gratë që lindnin jashtë martese u trajtuan më vrazhdë nga baballarët e fëmijëve dhe familja e tyre e ngushtë. Por një qëndrim i tillë u miratua gjithashtu nga institucionet shtetërore dhe kisha, tha raporti.
