Sulmuesi shqiptar Sokol Cikalleshi vazhdon me performancën e mirë në futbollin turk.
Reprezentuesi i Shqipërisë, ka shënuar dygolësh në barazimin e skuadrës së tij, Koniaspor ndaj Adana Demirspor, sfidë kjo që u mbyll baras 2-2.
Sulmuesi shqiptar zhbllokoi takimin nga pika e bardhë e penalltisë në minutën e 9-të dhe dyfishoi shifrat, sërish nga 11 metrat, në minutën e 45-të.
Cikalleshi tani arrin në kuotën e 11-të golave këtë sezon të garave në elitën e futbollit të Turqisë./rtk
