Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 28 tetor, shkruan KosovaPost.
28 tetor 1636 – Universiteti i Harvardit, i pari në Shtetet e Bashkuara të Amerikës, u themelua në Boston.
28 tetor 1793– Shpikësi amerikan, Eli Whitney, bëri kërkesë për patentë për Makinën e tij për Pastrimin e Pambukut. Kjo makinë e pastronte pambukun nga farat. Ajo mund të pastronte në ditë 50 herë më shumë pambuk, sesa mund të pastronte një njeri me duar.
28 tetor 1886 – “Statuja e Lirisë”, një dhuratë e popullit francez për Shtetet e Bashkuara të Amerikës dhe një prej simboleve të këtij vendi, u vendos mbi ishullin shkëmbor të Lirisë (Liberty Island) dhe mbikëqyr tërë portin e Nju-Jorkut.
28 tetor 1919 – Presidenti Woodrow Wilson, i vuri veton projektligjit Volkstead, që kërkonte ndalimin me ligj në Shtetet e Bashkuara të pijeve alkoolike.
28 tetor 1923 – Gjatë një darke në Pallatin “Çankaya”, Mustafa Kemal Pashai informoi një grup deputetësh se do të shpallte republikën dhe se regjimi politik i shtetit që do të formohej, do të ishte ai republikan. Mustafa Kemal Pashai dhe Ismet Inonuja ranë dakord që të vendosnin në Kushtetutë nenin: “Forma qeverisëse e Shtetit të Turqisë është republika”.
28 tetor 1938 – Radioja e Ankarasë filloi transmetimet në objektin e saj historik në lagjen “Sihhiye”. Me rastin e këtij inaugurimi që përkoi me 15-vjeotrin e themelimit të Republikës së Turqisë, u përgatit një transmetim special 3-ditor.
28 tetor 1941 – Ushtarët gjermanë pushkatuan mbi 9 mijë hebrenj në sheshin e qytetin Kaunas të Lituanisë.
28 tetor 1962 – Lideri i Bashkimit Sovjetik, Nikita Hrushçov, njoftoi se heqjen e bazave raketore në Kubë duke i dhënë fund “Krizës së Raketave Kubane”, e cila e çoi botën për herë të parë në pragun e një lufte bërthamore.
28 tetor 1984 – Partia Komuniste e Kinës lejoi në mënyrë të kufizuar lirinë e veprimtarisë ekonomike dhe tregun konkurrues për rimëkëmbur situatën e rënduan të ekonomisë në vend.
28 tetor 1995 – Një aksident hekurudhor me përmasa tragjike në metronë e kryeqytetit Baku të Azerbajxhanit u mori jetën 300 personave, mes të cilëve 28 fëmijë, si dhe la të plagosur 256 të tjerë.
28 tetor 2009 – Qyteti Peshawar i Pakistanit u trondit nga një sulm me autobombë që shkaktoi 105 të vdekur dhe mbi 200 të plagosur.
28 tetor 2014 – Një vërshim që mbuloi me ujë një minierë qymyrguri në qytezën Ermenek të rrethit Karaman, në Turqinë Qendrore, u mori jetën 18 punëtorëve.
