Sir Keir Starmer i ka dërguar një mesazh urimi presidentit të ri amerikan, duke thënë se Trumpi ka “dashuri të madhe dhe lidhje historike” me Mbretërinë e Bashkuar.
“Që nga takimi ynë i parë në shtator, presidenti dhe unë kemi folur për nevojën për të thelluar dhe investuar në marrëdhëniet transatlantike”, tha ai.
Starmer ndër të tjera foli për “bashkëpunimin dhe partneritetin e qëndrueshëm” historik midis dy kombeve.
“Marrëdhëniet e veçanta midis Mbretërisë së Bashkuar dhe Shteteve të Bashkuara do të vazhdojnë të lulëzojnë për shumë vite në vazhdim”, tha ai.
