Deputetja e partisë Guxo, Jeta Statovci, duke folur për debatin e sotëm në Kuvend sa i përket arrestimit te kryeshefit të KEK-ut, Nagip Krasniqi dhe ndërrmajes në fjalë, tha se keqpërdorimet në këtë ndërrmarje në të kaluarën kanë qenë masive dhe të përmasave ekstreme.
Kurse sot sipas Statovcit, profiti është rritur në KEK dhe me këtë sipas saj, supozohet se “dikujt i janë shkundur interesat”.
“Argumentet të cilat u prezantuan tash në një rrethanë të tillë e cila keqpërdorimet janë masive dmth në një përmasë ekstreme dhe mjaftë voluminoze në aspektin financiare me dëm tepër të madh të parasë publike … Nëse e krahasojmë me një situatë e cila kemi një rritje të profitabilitetit në 107 për qind nga një ndërrmarje e cila pra ishte në humbje të vazhdueshme e vazhdimisht në rritje të kostos së saj operative, në mungesë të performancës, kurse tash shohim një situatë ku profiti është rritur. Ka një vizion mjaftë të qartë karshi ndërmarrjes, ka projekte konkrete për rritje të kapacitetit gjenerues, tash kjo të lënë në supozime se dikujt këtu i janë shkundur interesat”, tha Statovci në emisionin “Info Nata”.
