Studentët dhe qytetarët serbë të veriut të Mitrovicës edhe sot i dolën përkrah studentëve në Serbi.
Ata edhe një herë mbajtën një heshtje 15 minutëshe për të nderuar të vrarët nga shembja e tendës në Novi Sad.
Organizuar nga studentët e Universitetit paralel në Mitrovicën e veriut tubimi filloi sot në shëtitoren e qytetit, afër sheshit Knez Llazar.
Në mënyrë simbolike, në orën 11:52, koha e saktë kur u shemb tenda në stacionin hekurudhor të Novi Sadit më 1 nëntor, duke vrarë 15 persona dhe duke plagosur rëndë dy, rreth njëqind njerëz u mblodhën në qendër të qytetit për të nderuar me një heshtje 15-minutëshe.
Ashtu si herët e mëparshme, prezenca e qytetarëve të moshuar ishte e dukshme, duke i tejkaluar studentët.g.e.
